బహుశా... నాన్న అంటే ఇంతేనేమో..!
అమ్మ కొంగు పట్టుకుని తిరిగే చిన్ని నాన్న...
తన కూతురినే అమ్మలా చూసుకునే నాన్నగా ఎప్పుడు మారాడో..?
నాలుగు రూపాయలు ఇస్తే సినిమా చూసి వస్తా! అనే వాడు...
నాలుగు రూపాయలు దాచితే “పిల్లల భవిష్యత్తు చూస్తా!” అనేంత వాడిగా ఎలా మారాడో..?
తనకు బాలేనిది బడి అగొట్టి తిరిగే పిల్లవాడు...
తనకు బాలేనిది దాచి.. బాధ్యతల కోసం పరిగెత్తే పెద్దవాడిగా ఎప్పుడు మారాడో..?
ఆ అమ్మాయి వెంట అల్లరి చేస్తూ తిరిగే తుంటరి వాడు...
ఏ ఆపద పిల్లల దరిదాపులోకి రాకుండా కాపాడే సైనికుడిలా ఎప్పుడు మారాడో..?
గొంతు చించుకొని కొనిస్తావా? కొనియావా? అని పేచీ పెట్టే చంటి వాడు...
కడుపు కట్టుకుని పిల్లల కోసం రాజీ పడే ఇంటివాడిగా ఎలా మారాడో..?
బహుశా... నాన్న అంటే ఇంతేనేమో..!
కనిపించే ఉగ్రత..!
కనిపించని బాధ్యత..!!
ఇది అర్థం కావాలంటే — ఒక్క నాన్న మాత్రమే కావాలి..!
తన ప్రేమ ఎప్పుడూ మాటల్లో ఉండదు, పనుల్లో మాత్రమే కనిపిస్తుంది.
కోపంగా కనిపించే ప్రతి నాన్న హృదయంలో పిల్లల కోసం వేల ఆందోళనలు,
వేల ఆశలు దాగి ఉంటాయి... 💙
-- శ్రీనివాస్ ఇరుకుళ్ళ
0 వ్యాఖ్యలు:
Post a Comment